Arian poced

Dydw i ddim yn credu y dylwn i weithio er mwyn cael arian poced. Pam dylwn i wneud gwaith i gael arian poced? Rwy’n haeddu cael arian poced heb fod rhaid gweithio amdano.

Rwy’n fodlon tacluso fy ystafell er mwyn cael arian poced, ond dim mwy.

Rwy’n credu bod Mam yn defnyddio arian poced fel ffordd i’n cael ni i wneud gwaith tŷ. Ar hyn o bryd mae fy mrawd a minnau’n mynd â’r ci am dro ac yn golchi’r car.

Rwy’n cael arian poced am roi’r dillad ar y lein i sychu ac am roi’r bin a’r ailgylchu o flaen y tŷ. Does dim gwahaniaeth gen i wneud hyn. Mae fy rhieni’n gweithio ac rwy’n fodlon eu helpu yn y tŷ.

Mae Dad yn rhoi mwy o arian na Mam. Rwy’n cael £3.50 gan Dad am olchi’r car, ond dim ond £1.50 mae Mam yn ei roi am dacluso’r ystafell.

Rwy’n cael gwersi piano, ond roeddwn i’n casáu ymarfer. Felly, dechreuodd Dad roi arian poced i mi am ymarfer ac rwy’n ymarfer mwy nawr. Ond mae’n fy llwgrwobrwyo, a bod yn onest.

Rwy’n bargeinio gyda fy rhieni am arian poced os ydw i’n gweithio amdano. I ddechrau, rwy’n gofyn am swm mawr. Fel arfer maen nhw’n fodlon cwrdd yn y canol os ydw i’n dweud fy mod i’n fodlon hwfro neu rywbeth.

Rwy’n credu bod gweithio i gael arian poced yn beth da. Mae’n eich dysgu chi i ddeall bod arian ddim yn dod am ddim. Fel mae Mam yn dweud, “Dydy arian ddim yn tyfu ar goed”.