Darllenwch y darn hwn:
O Gonwy i Gasnewydd, o’r Fenni i’r Wyddgrug, ac o Sir Benfro i Langollen, mae gwyliau bwyd wedi tyfu fel madarch ledled Cymru dros y blynyddoedd diwethaf. Mae gwyliau’n digwydd drwy gydol y flwyddyn, ac yn enwedig dros yr haf.
Mae rhai gwyliau, fel Wythnos Bysgod Sir Benfro a Gŵyl Bysgod Aberaeron yn canolbwyntio ar bysgod, ond mae’r rhan fwyaf yn wyliau bwyd a diod o bob math.
Y Fenni’n arwain y ffordd
Gŵyl Fwyd y Fenni yw un o’r rhai hynaf yng Nghymru. Mae’n cael ei chynnal ym mis Rhagfyr, ychydig wythnosau cyn y Nadolig.
Cafodd ei sefydlu yn 1999 gan ddau ffermwr lleol oedd eisiau dangos bod ffermydd lleol yn cynhyrchu bwydydd gwych. Yn 1999 aeth tua thair mil o bobl i’r Ŵyl, ac roedd llond dwrn o wirfoddolwyr yn rhedeg y stondinau. Erbyn hyn, mae dros 30,000 o bobl yn ymweld â hi ac mae’r Ŵyl yn costio tua £420,000 i’w chynnal.
Beth allwch chi ei ddisgwyl mewn gŵyl fwyd?
Yn ogystal â degau o stondinau, gallwch ddisgwyl:
Fel y gwelwch chi o’r rhestr, nid dim ond profi bwyd mae pobl eisiau ei wneud nawr, ond hefyd maen nhw eisiau gwneud rhywbeth ymarferol, e.e. gwneud pice ar y maen neu wneud selsig.
Cyfraniad i’r ardal leol?
Os edrychwch chi ar wefannau gwyliau bwyd Cymru, maen nhw’n aml yn pwysleisio’r cyfraniad y maen nhw’n ei wneud i’r economi leol. Er enghraifft, mae Wythnos Bysgod Sir Benfro yn cyfrannu tua £2.7 miliwn i’r economi leol. Yn ôl Nick Miller, sydd wedi ymchwilio i gyfraniad gwyliau bwyd, maen nhw’n werth hyd at £35 miliwn i economi Cymru.
Hefyd, mae gwyliau’n gwneud cyfraniad cymdeithasol. Er enghraifft, yng Ngŵyl Fwyd y Fenni:
Y peth pwysicaf yw bod gwyliau bwyd yn hwyl. Pan fydd gŵyl fwyd yn dod i'r dref, mae’n amser cael parti – ac mae pawb yn mwynhau parti!
Images © Crown copyright 2016 (Visit Wales).
Lluniau © Hawlfraint y Goron 2016 (Darganfod Cymru).