Blas ar fyw

Mae pawb yn gwybod am bwysigrwydd bwyta’n iach. Ond beth am fwyta calon i gadw’n iach?

Gan mai cyhyr yw’r galon, mae’n debyg iawn i stecen, cig rhost neu friwgig. Mae’n gallu bod yn sych os nad yw’n cael ei choginio’n ddigon araf.

Mae ryseitiau calon i’w cael ym mhob rhan o’r byd, o Indonesia i Japan, o Frasil i Fecsico, ac o Rwsia i Awstralia. Beth am drio darn bach o ’oret’ o Bali, sef selsig calon mochyn a gwaed, neu ‘mock goose’ o Awstralia, sef calon eidion wedi’i stwffio.

Ond, pam bwyta calon?

• Mae’n uchel mewn maeth: protin, sinc, fitamin B, a ffosfforws
• Mae’n rhad iawn o ran pris (am nad oes llawer yn ei fwyta, siŵr o fod!).

RHOWCH GYNNIG ARNI!