Addysg yn Affrica
Mae llai o blant mewn ysgolion yn Affrica nag sydd yng ngwledydd eraill y byd. Mae 33 miliwn o blant yng ngwledydd Affrica sydd ddim yn mynd i'r ysgol, a 18 miliwn ohonyn nhw'n ferched.
Llythrennog v anllythrennog
Yng ngwledydd Ewrop a gogledd America, mae 99% o'r boblogaeth yn llythrennog. Ond yng ngwledydd Affrica, er bod y sefyllfa wedi gwella dros y degawdau diwethaf, mae tua 40% o bobl Affrica'n anllythrennog. Mae canran y menywod anllythrennog yn uwch, sef 50%.
Maint dosbarthiadau
Mae dosbarthiadau yn Affrica'n fawr iawn. Fel arfer, mae cyfartaledd o 40 disgybl i un athro, ond mae'r sefyllfa'n amrywio. Mewn rhai gwledydd, mae dros 60 disgybl i un athro.
Problemau cefn gwlad
Mae llawer o broblemau'n wynebu ysgolion yng nghefn gwlad Affrica:
Felly, mae plant mewn ardaloedd gwledig fel arfer yn gwneud yn waeth na phlant o'r dinasoedd mewn profion.
Gwario ar ryfel yn lle addysg
Un o broblemau mawr gwledydd Affrica yw bod llawer o ryfeloedd a gwrthdaro'n digwydd yno. Felly, mae'n well gan y llywodraethau wario arian ar arfau a milwyr, yn lle addysg. Os bydd rhyfel yn digwydd, mae plant yn aml yn cael eu symud i wersylloedd i ffoaduriaid, felly maen nhw'n colli'r cyfle i gael addysg.
Ysgolion Cymraeg
Cyn 1939, doedd dim ysgolion dyddiol Cymraeg, er bod ysgolion Sul yn cael eu cynnal yn Gymraeg. Roedd y gwersi yn yr ysgol dyddiol i gyd yn Saesneg. Agorodd Ysgol Gymraeg Lluest yn Aberystwyth ym 1939. Ysgol breifat oedd hi.
Ysgol Dewi Sant yn Llanelli oedd yr ysgol gynradd Gymraeg gyntaf i gael ei hagor gan y cyngor sir. Agorodd hi ym 1947. Erbyn 1956, roedd 30 o ysgolion cynradd Cymraeg wedi agor.
Ysgol Glan Clwyd oedd yr ysgol uwchradd Gymraeg gyntaf. Agorodd hi ym 1956.
Erbyn hyn mae tua chwarter plant ysgolion cynradd Cymru, ac ychydig o 20% o blant ysgolion uwchradd Cymru'n derbyn eu haddysg yn Gymraeg.
Cymraeg | Disgrifiad | Saesneg |
---|---|---|
llythrennog | yn gallu darllen | literate |
anllythrennog | ddim yn gallu darllen | illiterate |
degawd | deng mlynedd | decade |
amrywio | dangos amrywiaeth | to vary |
rhoi blaenoriaeth i | rhoi’r lle blaenaf i | to prioritise, give priority to |
gwrthdaro | ymladd/trais.e.e. rhwng dau grŵp | conflict |
ffoadur | rhywun sy’n ffoi, e.e. rhag rhyfel | refugee |