Dyma hen bennill a diarhebion sy'n ymwneud ag amser. 
Hen bennill
Mae gen i, ac mae gan lawer,
Gloc ar fur i gadw amser;
Mae gan Moses Pantymeysydd
Gloc ar y mur i gadw tywydd.
| Dihareb | Ystyr |
| Amser a ddengys. | Fe gawn ni weld yn y dyfodol. (Time will tell.) |
| Athro da yw amser. | Rydyn ni'n dysgu llawer wrth i amser fynd heibio. |
| Digon i'r diwrnod ei ddrwg ei hun. | Mae digon o bethau i boeni amdanyn nhw heddiw, heb feddwl am yfory. |
| Codi cyn cŵn Caer. | Codi'n gynnar dros ben. |
| Yr awr dywyllaf yw'r un cyn y wawr. | Mae problem yn edrych yn anodd bob amser ond bydd ateb yn dod. |
| Cynnar i hau, cynnar i fedi. | Mae'r un sy'n dechrau'n gynnar yn gorffen yn gynnar. |
Geirfa
| Cymraeg | Disgrifiad | Saesneg |
|---|---|---|
| dengys (berfenw - dangos) | bydd yn dangos, mae’n dangos | shows, will show |
| gwawr (eb) | pan fydd yr haul yn codi | sunrise |
Tasgau
Tasg 1
Ydych chi wedi gweld ‘cloc tywydd’ fel yr un sydd yn y llun? Oes syniad gyda chi sut mae’n gweithio?
Tasg 2
Edrychwch ar lun y cloc tywydd. Sut buasech chi’n cyfieithu’r penawdau sydd ar y cloc tywydd i’r Gymraeg? Lawrlwythwch y daflen.
Tasg 3
Darllenwch yr hen bennill yn uchel. i) Sawl sillaf sydd ym mhob llinell? ii) Beth yw’r patrwm odlau?
Tasg 4
Oedd ‘cloc i gadw tywydd’ yn rhywbeth cyffredin pan gafodd yr hen bennill ei gyfansoddi? Pam rydych chi’n credu hyn?
Tasg 5
Lawrlwythwch y daflen, darllenwch y deialogau a'u cloi gyda'r ddihareb gywir.
