Ar Lan y Môr …

Ar Lan y Môr

Ar lan y môr mae rhosys cochion;

Ar lan y môr mae lilis gwynion;

Ar lan y  môr mae 'nghariad inne

Yn cysgu'r nos a chodi'r bore.

Traddodiadol

Penillion Ar Lan y Môr

Ar lan y môr, mae tuniau rhydlyd

Ar lan y môr, mae sbwriel hefyd,

Ar lan y môr, mae bagiau plastig

Ac olew du ar garreg lithrig.

Ar lan y môr, mae gwylan gelain

Fu'n hedfan ar adenydd buain:

Yn awr, mae'n gorwedd ar y tywod,

Ymhlith y baw a'r holl ffieidd-dod.

 

Mihangel Morgan