Bwyd y Selebs

Annwyl Gweiddi

Dw i ddim yn berson sy'n treulio oriau yn darllen am fywyd preifat selebs - fel rhai o'm ffrindiau. Dw i ddim yn berson sy'n casglu memorabiliachwaith - fel rhai pobl. Dw i ddim yn gallu deall pobl sy'n gwario'u harian ar bethau fel llofnodion, lluniau a hyd yn oed esgidiau a dillad isaf rhyw ganwr pop neu actor. Darllenais i'n ddiweddar am rywun yn prynu un o ddannedd John Lennon, o'r Beatles, am £19,500 (gwirion!) a dw i'n gwybod hefyd am rywun yn prynu ychydig o wallt Justin Bieber - am $40,668 neu £26,569 (gwirion iawn!).

Er nad oes gen i ddiddordeb mewn casglu pethau fel hyn, es i i rywle rhyfedd iawn y llynedd! Es i i gaffi yng Nghernyw lle roedd amgueddfa wahanol iawn. Na, dim ystafelloedd tywyll yn cynnwys casys gwydr yn llawn pethau diflas ond amgueddfa fach oedd yn arddangos gweddillion bwyd roedd rhai selebs wedi eu gadael ar ôl bwyta. Gwelais i:

• Ddarn o Cornetto roedd Eddie Marsan - o Mission Impossible III- wedi ei fwyta. 

• Rhan o blisgyn wy gafodd ei ddefnyddio i wneud brechdan wy i Hugh Dennis.

• Darn o bwdin bara roedd y Tywysog Siarl wedi ei fwyta.

• Briwsion o chocolate brownie roedd aelodau'r band roc Hawkwind wedi eu gadael ar eu plât.

• Rhan o croissant roedd Judi Dench wedi bod yn ei fwyta. On'd yw hi'n rhyfedd beth mae rhai pobl yn ei gasglu!

Pob hwyl

Ceri Jones