Huw ‘Ffash’

Mae Huw Rees, neu 'Huw Ffash' yn enwog am roi help ffasiwn ar raglenni S4C.

Astudio

Ar ôl gadael yr ysgol, aeth Huw i Goleg Celf Caerfyrddin. Roedd e eisiau bod yn ddylunydd graffeg. Ond pan oedd e yno, gwelodd ei fod yn dda iawn gyda ffasiwn.

Mynd i Lundain

Penderfynodd Huw symud i Lundain pan gafodd le i astudio yng Ngholeg Celf Ravensbourne. Roedd rhaid symud o Gaerfyrddin er mwyn cael profiad o fyd ffasiwn. Wedyn astudiodd yn y Coleg Celf Brenhinol yn Llundain.

Gweithio yn yr Eidal

Gweithiodd Huw yn Milan a Fflorens yn yr Eidal. Mae'r ddwy ddinas yn enwog iawn am ffasiwn. Yn Milan, roedd Huw yn gweithio gyda chwmni Max Mara.

Symud yn ôl i Lundain

Gweithiodd Huw i Warehouse, brand enwog ar y stryd fawr.

Gweithio mewn colegau

Mae Huw wedi gwneud llawer o waith yn darlithio ar ffasiwn mewn colegau a phrifysgolion.

Ar y teledu

Mae Huw yn amlwg iawn ar y teledu ers dros 18 mlynedd. Mae'n gyflwynydd ffasiwn ar raglenni 'Prynhawn Da' a 'Heno'. Ar 'Prynhawn Da', mae'n rhoi 'gweddnewidiad' i wylwyr. Mae'n dewis dillad iddyn nhw, ac mae pobl eraill ar y tîm yn gwneud eu gwallt a'u colur.

Siop dillad priodas

Mae gan Huw siop sy'n gwerthu dillad priodas yn Llandeilo.