Sgam!

Dw i mor siomedig a dw i mor flin! Dw i byth yn mynd i brynu ar y we eto!

Pam? Beth sy’n bod?

Mae fy mhen-blwydd i mewn chwe wythnos ac felly gofynnais i i Dad brynu beic newydd i fi ar y we.  Roedd e’n costio £100 + £8 ar gyfer cludiant ac roedd e’n edrych yn fargen. Doedd Dad ddim yn hapus i wario cymaint o arian ar y we ond perswadiais i fe. Prynodd e’r beic.

Y bore ’ma, daeth y postman ag amlen fawr i fi. Agorais i’r amlen a ches i siom ofnadwy!!!  Model o’r beic roeddwn i ei eisiau oedd yn yr amlen – dw i wedi cael model bach, nid y beic ei hun!

Dw i ddim yn deall.

Sgam oedd e! Talodd Dad am feic go iawn (roedden ni’n meddwl), ond model bach o feic sydd wedi cyrraedd – nid y beic go iawn.

Rhaid dy fod ti’n grac.

Dw i mor siomedig ac mae Dad yn wyllt gacwn.

Dw i'n gwybod sut wyt ti’n teimlo!   Mae gen i freichled arian ac mae’n bosib prynu swyn dlysau arian i’w rhoi arni hi. Mae’r rhain yn ddrud iawn yn y siopau lleol ond gwelais i’r swyn dlysau ar wefan. Edrychais i’n ofalus ar y lluniau ar y we a’u cymharu nhw gyda’r lluniau yng nghatalog y cwmni ac roedden nhw’n edrych yn union yr un fath ond yn llawer rhatach. Felly dewisais i ddau am hanner y pris arferol. Talodd Mam gyda’i cherdyn banc.

Beth ddigwyddodd?

Cyrhaeddodd y swyn dlysau ac roedden nhw’n edrych yn union fel y rhai yn y catalog. Ond rhai ffug ydyn nhw. Maen nhw wedi eu gwneud o fetel rhad wedi eu peintio’n lliw arian. Mae’r paent yn dod i ffwrdd pan dw i’n eu gwisgo nhw. Mae un ohonyn nhw wedi torri’n hanner hefyd.

Mae hynna’n debyg i  fy mhroblem i.

Ydy. Beth wyt ti’n mynd i wneud nawr?