Dyma gerdd gan wirfoddolwr mewn banc bwyd.
Pobl y Banc Bwyd
Mae rhai yn plygu’u pennau
Wrth gyrraedd y tro cyntaf.
Wynebau’n llawn cywilydd:
Hwn ydy’r dewis diwethaf.
Fe gollodd Non ei hiechyd
Ac yna’i swydd, ac felly
Heb y banc bwyd mi fyddai
Ei phlant hi bron â llwgu.
Mae Huw yn gorfod dewis
Rhwng gwres a bwyd yn gyson.
Mae’n methu fforddio’r ddeubeth:
Mae bron â thorri’i galon.
Er bod Myfanwy’n brysur,
A’i dwy swydd yn ei blino,
Ni all hi fwydo’r teulu
Er gwaethaf yr holl weithio.
Fy ngobaith yw cael helpu
Y rhain drwy gyfnod caled
Mae’n gysur iddynt wybod
Bod yma ddrws agored.
Darn o wybodaeth
Mae gan Ymddiriedolaeth Trussell 424 banc bwyd. Mae’r ffigurau dangos bod 1,109,309 pecyn bwyd argyfwng wedi’u rhoi i bobl yn 2015/16. Mae hyn 2% yn fwy nag yn 2014/15.
