Byw heb ffôn symudol?

Mae rhai pobl yn gaeth i’w ffonau symudol.

• Dydyn nhw ddim yn teimlo’n hapus os nad yw eu ffôn yn eu llaw.
• Dydyn nhw ddim yn gallu bwyta pryd o fwyd, gwylio ffilm, mynd allan gyda ffrindiau na mynd am dro heb edrych ar eu ffôn yn aml!
• Dydyn nhw ddim yn gallu mynd i’r gwely os nad yw eu ffôn gerllaw.

Mae rhai ohonyn nhw mor gaeth, maen nhw’n poeni am golli eu ffôn neu maen nhw’n poeni fyddan nhw ddim yn gallu defnyddio’u ffôn am ryw reswm, e.e. oherwydd bod dim signal. Maen nhw’n dioddef o ‘nomoffobia’ (no-more-phone-ia). Ystyr ‘ffobia’ yw ofn afresymol.

Mae angen help ar y bobl hyn – help i fedru byw heb eu ffôn!

… A dyma’r help!

Mae dyn o’r enw Klemens Schillinger wedi dyfeisio ffôn arbennig iawn. Mae e'r un maint â ffôn symudol arferol ond mae e’n wahanol iawn!

• Dydy e ddim yn gallu gwneud galwadau.
• Dydy e ddim yn gallu derbyn galwadau.
• Dydy e ddim yn gallu lawrlwytho apiau.
• Dydy e ddim yn gallu cysylltu â’r we.

Dydy e ddim yn gallu gwneud unrhyw beth technolegol ond mae e’n gallu helpu pobl sydd eisiau defnyddio’r ffôn yn llai aml. Mae e’n gallu helpu pobl i fod yn llai caeth i’w ffonau.

Yn lle sgrolio a sweipio ar ffôn go iawn, mae’r bobl yma’n gallu sgrolio a sweipio’r peli bach cerrig sydd yn y ffôn yma ac mae hyn yn gwneud iddyn nhw deimlo’n well. Mae hyn yn therapi diddorol iawn ar gyfer unrhyw un sy’n dioddef o nomoffobia!

Cliciwch yma os hoffech chi weld sut i ddefnyddio’r ffôn.