Beth wyt ti'n wneud?
Mae Lucas a Sofia, ffrindiau ysgol, yn siarad ar y stryd.
Beth wyt ti'n wneud?
Dw i'n mynd i loncian.
Ond pam wyt ti’n gwisgo menig ac yn cario bag sbwriel du?
Achos dw i’n mynd i wneud ychydig o blogio.
Plogio?
Ie, plogio! Hobi newydd o Sweden yw e, er bod pobl mewn rhannau eraill o’r byd yn ei wneud e erbyn hyn hefyd.
Beth yw ystyr "plogio" ’te?
Loncian a chodi sbwriel yr un pryd. Dyna pam dw i’n gwisgo menig ac yn cario bag sbwriel du. Os bydda i’n gweld sbwriel ar y ddaear wrth i fi redeg, bydda i’n ei godi e ac yn ei roi e yn y bag.
O!
Mae'n ymarfer da.
Wel, ydy, mae rhedeg yn dda i ti. Mae’n cryfhau dy goesau di ac yn dda i dy gorff di’n gyffredinol.
Ydy, ond gan fy mod i’n cario sbwriel, bydda i’n cario ychydig o bwysau hefyd, sy’n golygu fy mod i’n cael gwell ymarfer corff! Bydda i’n gwneud sgwatiau wrth i fi blygu i godi sbwriel hefyd. Mae hyn yn wych!
Ydy, mae’n siŵr.
Ac mae’n gwneud i fi deimlo’n dda hefyd achos dw i’n helpu’r amgylchedd. Dw i’n gwneud rhywbeth sy’n dda i fi ac sy’n dda i’r amgylchedd.
Beth wyt ti’n wneud gyda’r pethau rwyt ti’n casglu?
Dw i’n ailgylchu rhai pethau ac yna dw i’n taflu’r gweddill yn y bin sbwriel. Wyt ti eisiau dod gyda fi yfory?
Dw i ddim yn siŵr.
Dwyt ti ddim yn poeni am yr amgylchedd ’te?
Ydw, wrth gwrs! Dw i’n cymryd rhan yn ymgyrch y pentre i glirio’r traeth bob blwyddyn, felly dw i’n gwneud fy rhan.
Wyt, chwarae teg – ond mae loncian a chlirio’n hwyl – ac mae’n dod yn fwy poblogaidd bob dydd. Edrycha ar faint o bobl sy’n postio lluniau ohonyn nhw eu hunain yn gwneud hyn ac mae rhai’n trydar yn gofyn am bobl i fynd allan i loncian gyda nhw.
O, iawn – wela i di yma yfory ’te, am ddeg o’r gloch, a bydd gen i fag sbwriel enfawr i godi’r holl sbwriel!
Gwych. Tan yfory, felly …
Have you tried plogging - the hot new trend from Sweden? https://t.co/ZrmXnPSbXS via @MetroUK
— GetHambletonHealthy (@HambletonCycle) 22 February 2018
This new trend encourages people to pick up litter while getting in their workout, and has been gaining popularity in US cities! Would you try plogging? #Plogging #HealthyLiving #Cardio pic.twitter.com/AYvMv48MVO
— Slimple (@SlimpleDiet) 21 February 2018
Cymraeg | Disgrifiad | Saesneg |
---|---|---|
loncian | rhedeg yn araf | (to) jog, jogging |
amgylchedd | y byd o gwmpas | environment |
ailgylchu | defnyddio rhywbeth eto; troi gwastraff yn rhywbeth mae'n bosib ei ddefnyddio eto | (to) recycle, recycling |
llesol | sy'n gwneud daioni | beneficial |
gweddill | beth sydd ar ôl | the rest, remainder |
ymgyrch | pobl yn gweithio gyda'i gilydd er mwyn gwneud rhywbeth penodol | campaign |
gwneud fy rhan | gwneud cyfraniad | (to) do my bit |