Roedd y Rhufeiniaid yn hoffi defnyddio aur i wneud tlysau a llestri hardd. Y gair Lladin am 'aur' yw 'aurum' a'r un gair yw'r gair a ddefnyddiwn ni heddiw yn Gymraeg, 
sef 'aur'. AU yw'r llythrennau sy'n dynodi aur ar y tabl cyfnodol.
- Gallwch roi'r holl aur sydd wedi cael ei ddarganfod yn y byd mewn un bocs sgwâr fyddai'n ffitio o dan y Tŵr Eiffel ym Mharis.
- Mae aur yn fetel meddal iawn. Mae'n hawdd ei blygu â llaw.
- Mae rhai darnau sy'n cael eu defnyddio fel ceiniogau wedi eu gwneud allan o aur pur.
- Wrth orchuddio metel arall ag aur, dim ond 0.05 mm sy'n cael ei ddefnyddio.
- Cafodd aur ei ddefnyddio ar gyfer medalau aur y Gemau Olympaidd am y tro ola yn 1912. Erbyn hyn mae medalau aur ac arian yn cael eu gwneud o 92.5% arian. Rhaid i fedalau aur cael eu gorchuddio gydag o leiaf 6 grams o aur.
- Mae aur i'w gael yn nŵr y môr, ond byddai'n costio mwy na gwerth yr aur i'w dynnu allan.
Geirfa
| Cymraeg | Disgrifiad | Saesneg |
|---|---|---|
| tlysau | pethau hardd | jewellry |
| llestri | rhywbeth i ddal bwyd | dishes, vessels |
| Lladin | iaith oedd y Rhufeiniaid yn ei siarad | Latin |
| darganfod | dod o hyd i rywbeth, ffeindio | find |
| meddal | rhywbeth sydd ddim yn galed | soft |
| plygu | newid siâp rhywbeth | bend |
| gorchuddio | rhoi rhywbeth ar ben rhywbeth arall | cover / coat |
Tasgau
Tasg 1
Beth oeddech chi'n ei feddwl o'r ffeithiau?
Tasg 2
Beth sydd fwyaf gwerthfawr, aur neu aer?
Tasg 3
Cynhaliwch ddadl yn y dosbarth.
