Llaw y Gaeaf
Mae llaw y gaeaf oer
Yn cloi pob nant a llyn
A bysedd bach y coed
I gyd mewn menig gwyn
Daw'r adar at y drws
I brintio'r eira tlws.
Nid oes mewn llwyn na gardd
Un nodyn bach o gân
A saif y coed yn syth
Mewn gwisg o berlau glân.
Daw dawns yr haul cyn hir
I'w troi yn arian clir.
Geirfa
| Cymraeg | Disgrifiad | Saesneg |
|---|---|---|
| Saif y coed | Mae'r coed yn sefyll | - |
Tasgau
TASG 1
Mae'r bardd yn rhoi nodweddion pobl i bethau byd natur yn y gerdd hon. Lawrlwythwch y daflen ac atebwch y cwestiynau.
TASG 2
Rhowch gynnig ar bersonoli'r lluniau ar y daflen hon.
TASG 3
Mae'r bardd yn cymharu pethau yn y gerdd hefyd e.e. y cwmwl fel gwlân cotwm. Lawrlwythwch y daflen am gymariaethau.
TASG 4
Ysgrifennwch gerdd am y gaeaf. Mae'n rhaid cael 1 personoliad, 2 gymhariaeth, 4 ansoddair e.e. 'llithrig', 'trwchus', 'tywyll', 'rhewllyd', 'peryglus', 'ffyrnig', 'noeth', 'pigog', 'slei', 'tawel', 'swnllyd'.
-
Y Fantell Wen
Cerdd gan Aneurin Jenkins-Jones.
Barddoniaeth -
Mellt a tharanau
Ydych chi'n gwybod beth sy'n achosi mellt a tharanau? Ydych chi'n gwybod sut i osgoi cael ei taro gan fellten? Na? Fe fyddwch nawr...
Gwybodaeth -
Cynffon Katia yn taro’r Alban
Ym mis Medi 2011 cafodd yr Alban ei tharo gan Gorwynt Katia. Dyma adroddiad yn rhybuddio pobl am y storm.
Gwybodaeth