Haia, Daya.
Galwad ffôn.
Chris:
Daya:
Ti’n mynd mas heno?
Chris:
Fi'n mynd i aros yn nhŷ Lyn. Be’ ti’n wneud?
Daya:
Cyrri.
Chris:
Sori?
Daya:
Cyrri. Fi’n coginio cyrri drwy’r dydd – drwy’r bore … drwy’r prynhawn … drwy’r nos.
Chris:
Pam?
Daya:
Fi yn yr ŵyl.
Chris:
O, ie, fi’n cofio nawr. Shwt mae’n mynd?
Daya:
Mae’n waith caled. Fi’n helpu i baratoi’r llysiau … serfo … a clirio’r mess.
Chris:
Oes llawer o fess ‘te?
Daya:
Wel, mae rhai pobol jyst yn towlu’r cartons cyrri gwyn ar y llawr ar ôl pennu. Dy’n nhw ddim yn rhoi nhw yn y bins.
Chris:
Ofnadw!
Daya:
Ac, wrth gwrs, mae rhai pobol yn byta gormod o gyrri ac maen nhw’n chwydu ar y stryd.
Chris:
Ych a fi! Dim ond cyrri sy yn yr ŵyl?
Daya:
Ie – ond mae gwahanol fathau o gyrri ’ma. Cyrri o wahanol rannau o’r byd.
Chris:
Mae’n swnio’n grêt.
Daya:
Ody, mae’r bwyd yn lyfli. Fi wedi blasu cyrri newydd sbon – o Jamaica. Gorgeous!
Chris:
Beth arall sy’n digwydd?
Daya:
Mae experts yn dangos sut i wneud cyrri …
Chris:
Jyst y peth ar gyfer yr adeg yma o’r flwyddyn.
Daya:
Ti’n iawn. Mae pobol isie dysgu sut i gwcio rhywbeth i gynhesu nhw.
Chris:
Be arall sy’n digwydd?
Daya:
Mae lot fowr o stondinau cyrri, wrth gwrs a stondinau’n gwerthu cynhwysion ar gyfer gwneud cyrri. Mae pobol yn chwarae cerddoriaeth ac mae dawnswyr ’ma hefyd. Mae gweithgareddau i’r plant …
Chris:
So, ti yn mwynhau.
Daya:
Odw a na’dw. Mae’r ŵyl yn wych ond fi ddim yn hoffi’r holl waith.
Chris:
Fi’n gallu deall ’ny.
Daya:
Mae pawb yn hapus iawn. Mae miloedd o bobol wedi bod ’ma – mae’n gyfle da i wneud y siopa Nadolig ac i gael pryd da o fwyd yn eitha rhad yr un pryd. Mae Dad wrth ei fodd achos mae’n gyfle da i hysbysebu’n tŷ byta ni.
Chris:
Mae Mam a Dad isie dod i’ch tŷ byta chi wythnos nesaf.
Daya:
O, pam?
Chris:
Pen-blwydd.
Daya:
Pen-blwydd dy fam, ife?
Chris:
Na, pen-blwydd Dad.
Daya:
O.K. ’na i weud wrth Dad. Hei, rhaid i fi fynd. Mae angen pilio winwns.
Chris:
O.K., wela i di wythnos nesa.
