Faint rydych chi’n ei wybod am yr Ail Ryfel Byd? Beth am roi cais ar y cwis hwn? Ar ôl ateb, cliciwch ar bob cwestiwn.
CWIS … CWIS … CWIS …
1. Pryd dechreuodd yr Ail Ryfel Byd?Yn 1939.
Neville Chamberlain.
Winston Churchill.
Adolf Hitler.
Goresgynnodd yr Almaen Wlad Pwyl.
Prydain a Ffrainc.
Y Swistir.
Gwlad Pwyl, yr Iseldiroedd, Gwlad Belg, Ffrainc, Denmarc a Norwy.
Annog pobl i dyfu llysiau a ffrwythau yn eu gerddi gan fod bwyd mor brin.
Yn 1944.
Roedd yr Almaenwyr yn carcharu Iddewon mewn gwersylloedd creulon ac yn eu poenydio a’u lladd. Credir bod tua 6 miliwn o Iddewon wedi eu lladd a’r enw am hyn yw’r Holocost.
Anne Frank oedd hi. Roedd hi’n Iddewes ac ysgrifennodd hi am ei phrofiadau mewn dyddiadur.
Dogni.
Nutella – pâst wedi’i wneud o siwgr, cnau cyll ac ychydig o goco a oedd yn brin iawn. Cafodd ei ddyfeisio gan ddyn o’r enw Pietro Ferrero, mewn tref of enw Alba, yn yr Eidal, ardal lle roedd digonedd o goed cyll yn tyfu.
Yn 1945.
Gollyngwyd bomiau atomig ar ddwy ddinas yn Japan – Hiroshima a Nagasaki – a lladdwyd miloedd o bobl.
***
Sut sgorioch chi, tybed?
Wel, tybed oeddech chi'n gwybod am y cynllwyn cyfrwys hwn oedd i fod i helpu'r Almaenwyr i ennill yr Ail Ryfel Byd ...?
Yn 1943, roedd gan y Natsïaid gynllun cyfrwys iawn i geisio lladd Winston Churchill, prif weinidog Prydain. Roedden nhw’n mynd i’w ladd â …
… siocled!!!
Dechreuodd rhai o’r bobl a oedd yn gwneud bomiau’r Natsïaid greu bom arbennig iawn. Roedd e ar ffurf bar pwys o “siocled”. Roedd y bar yn edrych fel siocled yn wir, ond o dan haenen o siocled tywyll blasus, roedd dur a ffrwydron yn cuddio. Yna, gorchuddiwyd y bar â phapur du ac aur drud a oedd yn dangos enw’r cwmni siocled - Peter’s Chocolate.
Y bwriad oedd bod sbïwyr yr Almaen, a oedd yn gweithio ym Mhrydain, yn gwneud yn siwr bod y siocled yn cael ei gymryd i mewn i ystafell fwyta Cabinet y Rhyfel. Yna, byddai rhywun yno – Winston Churchill ei hun, o bosib – yn dewis y bar, yn agor y pecyn ac yn torri darn o’r siocled ac yna …
… BANG!!!! …
Byddai hyn yn siwr o ladd y prif weinidog.
Llun: Sir Winston S Churchill - United Nations Information Office, New York (Library of Congress, Reproduction number LC-USW33-019093-C)
Yn ffodus, daeth sbïwyr o Brydain i wybod am y cynllun a’i atal.
Yn dilyn hyn, gofynnodd yr Arglwydd Victor Rothschild, un o brif swyddogion MI5 ar y pryd, i ddyn o’r enw Laurence Fish ddylunio posteri yn dangos y bariau siocled ffrwydrol er mwyn rhybuddio’r cyhoedd.
Mae’n bosib gweld y poster ar y wefan hon: https://www.thevintagenews.com/2018/08/04/hitler-vs-churchill/
Geirfa
| Cymraeg | Disgrifiad | Saesneg |
|---|---|---|
| goresgyn | concro | (to) conquer |
| prin | dim llawer ar gael | rare |
| poenydio | trin rhywun yn greulon tu hwnt gan achosi poen ofnadwy | (to) torture |
| dantaith | rhywbeth blasus tu hwnt | delicacy |
| dyfeisio | creu rhywbeth am y tro cyntaf | (to) invent |
| cnau cyll | cnau sy'n tyfu ar goed cyll | hazelnuts |
| cynllwyn | cynllun cyfrwys | plot |
| ar ffurf | yn edrych fel | in the form of |
| gorchuddio | rhoi gorchudd neu haenen dros rywbeth | (to) cover |
| bwriad | nod, amcan | intention |
| atal | stopio | (to) prevent, stop |
