Trip yr ysgol

Y ffatri gacennau

Aeth Iolo 'da'r ysgol i'r ffatri
Gacennau a chwstard a jeli,
  Ond syrthiodd i'r vat
  A gwaeddodd ar Matt
"Rho raff i fi cyn i fi foddi."

Y sŵ

I'r sŵ aeth y merched a'r bechgyn,
Pob un gyda'i got law a'i becyn,
  Aeth Sam at y tsita
  A chynnig ei bitsa
Ond bwytodd e Sam, pob briwsionyn.

Fe waeddodd Miss Jones fel gorila
A sgrechiodd pob mwnci ac epa,
  Roedd tipyn o banig
  A'r athro yn manig
Ond cnoi yn hamddenol wnâi'r tsita!

Yr ynys

Aeth trip Blwyddyn 7 draw i'r ynys
A dyna i chi brofiad anfelys -
  Fe welon nhw'r athro
  Ar draeth yn torheulo
Mewn dim ond ei fest wen a'i dronsys!

Non ap Emlyn