Calonnau Cacen Sinsir

Beth am roi cynnig ar y rysáit yma? 

Cynhwysion

300g o flawd plaen

1 llond llwy de wastad o garbonad soda

2 llond llwy de wastad o bowdr sinsir

90g o fenyn

80g o siwgr brown

125g o driog melyn

Bydd angen y canlynol arnoch:

2 dun Swiss roll wedi eu hiro (maint y tun yw tua 35cm x 25cm)

Torrwr bisgedi siâp calon

Eisin (gogrwch 125g siwgr eisin a'i gymysgu ag un llwy fawr o ddŵr wedi'i arllwys i mewn yn raddol)

Ffwrn/Popty       180 C       Ffan 160 C     Nwy   4

Dull

1      Mewn powlen, gogrwch y blawd, y soda a'r sinsir.

2      Mewn sosban, toddwch y menyn, y siwgr brown a'r triog yn araf bach.

3      Tynnwch y sosban oddi ar y gwres a gadael i bopeth oeri am ychydig.

4      Arllwyswch gymysgedd y sosban i'r blawd ac ati yn y bowlen a'i gymysgu'n dda.

5      Tylinwch y toes nes ei fod yn llyfn.

6      Gadewch i'r cyfan oeri am 30 munud.

7      Cynheswch y ffwrn.

8      Rholiwch y toes allan i drwch o 5mm.

9      Torrwch y calonnau allan â thorrwr siâp calon a'u gosod ar y tuniau pobi.

10    Coginiwch am 5 munud, yna gosodwch y bisgedi ar rwyll oeri.

11    Addurnwch ag eisin.