Uchafbwynt y flwyddyn i lawer o bobl oedd y Gemau Olympaidd a’r Gemau Paralympaidd yn Rio de Janeiro yn ystod yr haf.
Ystyr “para” yn yr iaith Roeg yw “wrth ochr” neu “ochr yn ochr” a dyna beth yw’r Gemau Paralympaidd – gemau sy’n rhedeg ochr yn ochr â’r Gemau Olympaidd.
Roedd Gemau Paralympaidd 2016 yn llwyddiannus iawn. Dyma’r ystadegau:
- Roedd 23 o gampau.
- Roedd 528 o gystadlaethau.
- Roedd y rhain yn digwydd mewn 21 o leoedd gwahanol.
- Roedd 176 o wledydd yn cymryd rhan.
Ydych chi’n gwybod beth oedd y 23 camp? Ewch i Dasg 1.
Roedd y rhan fwyaf o’r campau’n debyg i’r campau yn y Gemau Olympaidd ond roedd 4 yn hollol wahanol:
- Pêl-gôl – camp ar gyfer timau sydd â nam ar eu golwg
- Boccia – camp ar gyfer timau neu barau â cerebral palsy
- Rygbi mewn cadair olwyn – camp ar gyfer timau o bobl mewn cadeiriau olwyn
Codi pwysau gan ddefnyddio rhan uchaf y corff yn unig – camp ar gyfer pobl ag anabledd corfforol
Roedd y medalau’n arbennig iawn yn y Gemau hyn, gan eu bod yn cynnwys deunyddiau oedd wedi eu hailgylchu. Roedd cloch ynddynt fel bod pobl â nam ar eu golwg yn gallu eu clywed – roedd y fedal aur yn gwneud mwy o sŵn na’r fedal efydd. Roedd ysgrifen braille arnyn nhw hefyd.
Dyma symbol y Gemau Paralympaidd yn Rio de Janeiro yn 2016.
Mae’n dangos calon a symbol annherfynoldeb – sef y syniad o barhau am byth.
Mae’n symbol o egni diddiwedd i oresgyn anawsterau.
Geirfa
| Cymraeg | Disgrifiad | Saesneg |
|---|---|---|
| uchafbwynt | y peth pwysicaf | highlight |
| campau | lluosog camp; chwaraeon lle mae angen sgiliau arbennig | sports |
| â nam ar eu golwg | sy’n methu gweld yn iawn | visually impaired |
| deunyddiau | defnyddiau | materials |
| efydd | metel lliw melyngoch | bronze |
| annherfynoldeb | rhywbeth sydd ddim yn gorffen | infinity |
| diddiwedd | heb ddiwedd | unending |
| goresgyn | cael y gorau ar rywbeth, trechu rhywbeth | to conquer, get the bettr of |
| anawsterau | lluosog anhawster; pethau anodd, problemau | difficulties |
