Oeddech chi'n gwybod?

Mae gan dros 80% o bobl y byd ffôn symudol.

Fel arfer, mae defnyddwyr ffonau symudol yn treulio’r rhan fwyaf o’u hamser yn chwarae gemau ac yn rhyngweithio’n gymdeithasol.

Mae tua 74% o ddefnyddwyr ffonau symudol yn defnyddio’u ffôn i siopa.

Mae mwy o bŵer cyfrifiadurol (computing power) mewn ffôn symudol nag yn y cyfrifiadur helpodd Apollo 11 i lanio ar y lleuad yn 1969.

Llun: 5927 NASA - Neil Armstrong © NASA

Ym Mhrydain, mae tua 100,000 o ffonau symudol yn syrthio i mewn i doiled bob blwyddyn.

Mae’ch ffôn chi’n frwnt – neu’n fudr – iawn! Mae mwy o facteria ar ffôn symudol nag ar sedd y toiled (tua 10 gwaith yn fwy!) neu handlen toiled (tua 18 gwaith yn fwy!!). Faint o facteria? Yn ôl rhai arbenigwyr, mae tua 25,000 o facteria ar bob modfedd sgwâr!

Mae’n bosib gwefru batri ffôn symudol gydag wrin.

[Rhaid defnyddio silindrau sy’n llawn micro-organebau arbennig. Mae’r rhain yn bwydo ar bethau yn yr wrin ac yn cynhyrchu electrons. Yna, mae’r electrons yn cael eu troi i mewn i drydan ar gyfer gwefru ffonau …

… OND …

… peidiwch â thrio hyn eich hun!!!]