Mae James Jones wedi ennill pob cystadleuaeth BMX bwysig yng Nghymru!
Llun gan James Jones
Llun gan Chris Smith - www.valleysidedistro.com
Dechreuodd James reidio beiciau BMX mewn parc beiciau ar draws y ffordd i'w gartref pan oedd e'n 14 oed. Tipyn o hwyl gyda ffrindiau oedd hyn ar y pryd.
Erbyn heddiw, mae e'n hyfforddi rhwng tair ac wyth awr y dydd dros y penwythnosau. "Rhaid hyfforddi er mwyn gwella techneg a dysgu sgiliau newydd," dywedodd.
Mae e'n mwynhau ei waith yn fawr ond mae yna gyfnodau anodd hefyd. "Rhaid bod record ysbyty hir iawn gyda fi," meddai. "Dw i wedi torri llawer o esgyrn, gan gynnwys asgwrn yr ysgwydd, y penelin a'r pigwrn (dwywaith).
Lluniau gan James Jones
Ydy hyn yn gwneud iddo deimlo ei fod e eisiau rhoi'r gorau i'r gamp?
Dim o gwbl. "Dw i wrth fy modd ar y beic BMX. Mae'r adrenalin yn fy nghadw i i fynd. Dw i wrth fy modd gyda'r teimlad o ryddid dw i'n ei gael pan fydda i ar y beic.
"Dw i erioed wedi meddwl, 'Dyna ddigon!'. Rhaid i fi wneud yn siŵr bod fy enw i'n aros ar y brig os ydw i eisiau parhau yn y maes. Dw i eisiau cyflawni cymaint mwy."
Llun gan James Jones
Geirfa
| Cymraeg | Disgrifiad | Saesneg |
|---|---|---|
| ar y brig | ar y top | at the top |
| arddangos | dangos yn gyhoeddus | to exhibit |
| noddwyr | lluosog noddwr – pobl sy’n ei gefnogi | sponsors |
| cyfnodau | lluosog cyfnod – adegau, amseroedd | times |
| pigwrn | ffêr | ankle |
| cyflawni | llwyddo | to achieve |
Tasgau
TASG 1
Sut mae James yn ‘dal ati’? Darllenwch y darn eto a gwnewch nodiadau.
TASG 2
Lawrlwythwch y daflen.
TASG 3
Mae James yn ‘dal ati’ er ei fod wedi cael sawl anaf. Ydych chi wedi gorfod ‘dal ati’ i gyflawni rhyw gamp neu brosiect arbennig? Ysgrifennwch am eich profiad.
TASG 4
Mae beiciau James yn bwysig iawn iddo. Meddyliwch am ddarn o offer neu wrthrych sy’n bwysig i chi. Ysgrifennwch ddisgrifiad o’r peth heb ei enwi. Yna, darllenwch y disgrifiad i’r grŵp. Rhaid iddyn nhw ddyfalu beth yw e.
TASG 5
Ysgrifennwch am gamp eithafol arall. Disgrifiwch y gamp ac ysgrifennwch gyfarwyddiadau diogelwch.
